إذا أحد قال: “عبدالله السبع مدح الجهاز ذا…” أو “عبدالله السبع حذر من اختراق!” غالبًا بتاخذ كلامه على محمل الجد، حتى لو ما كنت متابع دائم له. ليش؟ لأنه بنى علامته الشخصية على أسس واضحة: الوضوح + البساطة + الأمانة في المراجعة. بمجرد ما تشوفه أو تسمع اسمه، تعرف إنه خبير تقني، يقدّم محتوى بأسلوب سهل، يخاطب الناس بلغتهم، ويوصل المعلومة بطريقة واثقة ومباشرة.
فـ كيف تبني لنفسك علامة شخصية؟
علامتك الشخصية مو مجرد صورة في السوشيال ميديا، ولا تعريف في البايو.
هي مزيج من مهاراتك، وقيمك، وطريقتك في التواصل، والسمعة اللي تبنيها خطوة بخطوة… وقرارًا بعد قرار.
أولًا: ما هي العلامة الشخصية؟هي الصورة الذهنية اللي تطري في بال الناس لما يُذكر اسمك:
وش تمثّل؟ وش تقول عنك تصرفاتك؟ وكيف تخلي الناس يحسون لما يتعاملون معك؟
ببساطة: هي الهوية المهنية والاجتماعية اللي تصنعها بإرادتك… أو تُترك للظروف تبنيها عنك.
ثانيًا:أيش هي مكونات العلامة الشخصية؟ما هو الشيء اللي تمثّله؟ ويش الهدف اللي تمشي عليه؟
الشخص اللي عنده رسالة واضحة… حضوره يكون مختلف، مؤثر، وملهم.
وش تعرف تسوي؟ هل عندك معرفة عميقة؟ خبرة؟
كل مهارة تملكها وتصقلها، تضيف لبنة في هويتك وتخليك مميز.
وين تحط نفسك؟
البيئة اللي حولك تحدد قيمتك — قل لي من تجالس أقول لك من أنت
هل تسوّق لنفسك بطريقة تناسبك؟ هل تكتب محتوى؟ تتكلم في لقاءات؟
إذا بحثنا اسمك في Google، هل نلقى شيء يستحق الذكر؟
هي مجموع انطباعات الناس عنك… والشيء اللي ينقال في غيابك.
كل تصرف، كل كلمة، كل تعامل… يكتب سطرًا في سيرتك الغير مكتوبة.
ثالثًا: كيف تبدأ ببناء علامتك؟
اعرف نفسك بوضوح:
طوّر مهاراتك باستمرار:
كن حاضرًا في العالم الرقمي:
تواصل بذكاء: سوّق لنفسك بدون مبالغة:العلامة الشخصية؟ ما هي شيء تُنجزه في يوم… هي سيرة ذاتية ما تنكتب، لكن الناس تشوفها كل يوم.
هي مشروعك الشخصي، والباب اللي تفتحه الفرص حتى قبل لا تطرقها. ابدأ من الآن لا تنتظر منصب يعرّفك، ولا شهرة ترفعك. ابنِ سمعتك على القيم… طوّر مهاراتك… وخلك واضح في وش تمثّل. وتذكّر دايمًا: العلامة الشخصية ما تنقال… تُلاحظ. وما تُطلب… تُصنع.
قدمنا في إحدى #مساحات_تأهب مساحة بعنوان “كيف تصنع لنفسك علامة شخصية” وقدمها الأستاذ شكري بن مخاشن تكلم فيها عن مفهوم العلامة الشخصية إذا تبغى تستمع للمساحة (اضغط هنا)
وكانت من نصائحه:
“في الحياة، يا تعمّر يا تدمّر. علامتك تحدد أيهما ستكون.”
“السمعة لا تُشترى، لكنها تُورّث. فماذا ستورّث لأبنائك؟”
“السوق لا يعاني من نقص في الوظائف… بل من أشخاص يعرفون كيف يسوّقون أنفسهم.”
“مكانك يحدد سعرك. لا تبقَ في مكان لا يراك.”
وفي النهاية… علامتك الشخصية هي صيتك…….، اللي يوصل قبلك في كُل مكان!!!!.
ومن اليوم… اثبت حضورك من خلال شغلك… 